Usney kaha mai ishq hun...maine kaha may josh hun...usne kaha mai rooh hun...maine kaha mai dil hi dil....vo hans pada...mai jub milunga tujh say tere hosh ud jaayenge...maine kaha dekh lenge hum dil ke baghair ashiq kub tak khair manaayenge.....waqi Ashiqi sabar-talab hai aur tamanna bezaar...magar sabar ki raahon per chalaane ke liye hi tou ishq dar aata hai zindgi may.....waqi ek aag ka darya hai aur doob ke jaana hai....yehhi samjha gaya hai vo.....mujhe chahna alag baat hai...mujhe khojna alag baat hai...hasrath may meri ansu bahaana alag baat hai.....mujhe khud may shaamil karna alag baat hai.....
muhabbat ke liye dil dhundh koi tutne waala
ye wo maye hai jise rakhte hain nazuk abginon mein
Vo chahton ka ameen hai....vo deewanon ka muyeen hai.....vo gumrahon ka mubeen hai....vo ayin us waqt rubaru hota hai jub aap ki fitrat raasta badal rahi ho..aur apni dhadkanon ki zubaan ko sahi tarha say decode na kar paaya ho.. us waqt aapki fitrat ka taqaza samajhne waala aapki rahbari yon karta hai ke....rahbar khud ishq ki surat pesh hojaata hai....apne mehbub dil ki madad ke liye khud khuda madadgaar hojaata hai....aur ishq ke bhes may apne pukaarne waale ke rubaru hojata hai...aur deewana bas jalwon may kho kar reh jaata hai....vo ehsaas jo donon ke darmyaan say perda utha day...us waqt tak nahi milta jub tak vo pehchaan ke marhale taye nahi kar leta...jub tak khudi say nikal kar khuda say jaa nahi milta.....yehi tou muamma hai....jisey hul karne may puri umr lag jaati hai ...aur ek adad dil ki shahadat bhi darkar hoti hai...ishq baghair esaar ke adhura hai....
Ishq ishq...haaye dil dil kehte rahe jo umrbhar....sohbat-e-ishq may rah kar bhi usey haasil na kar sakey....ke yehaan bekhudi makhsud nahi hai.....bulki khud tu maqsood hai....faqat teri talab maqsud hai...ke tu kya chahta hai...maye ke maye-khana....saaqi ke paimaana....
kholi hain zauq-e-deed ne ankhein teri to phir
har rahguzar mein naqsh-e-kaf-e-pay-e-yaar dekh