Mauqa

Auzu Billahi Mina shaitaan nirajim

    Bismilllahirahamaniraheem

---------------------------------

Aur kitne shaitaan baaqi hain ? Aur kitne imtihaan baaaqi hain...ek umr kati insay ladte ladte...ab  vo ek naye rishte may mil gaya hai...aur vo bhi ek aisa rishta jis say ladaii mumkin hi nahi...kyon ke vo rishta anek rishton may dhal gaya hai...aur vo rishte jinki hifazat ka zimma bhi khuda ne suprud kar rakha ho....aise may ye ladaii aur kathin hoti jaati hai...Khauf shaitaan ka nahi Rabul alameen say kiye huye waade ka hai...uski sonpi huii zimmedaarion ka hai...mubada koi kamzor lamha humen na le doobe....bas hisson ko bedaar rakhne ke liye zakhm harey rakhe jaate hain...

Shaitaan itni asaani say kahaan pehchaana jaata hai...jis ne bhi usey pehchaan liya usko vo aur satata hai...yaane ek challange hai uske liye bhi aur apne liye bhi...ke jo taar is khaar ko chu gaii ho usko ba-hifazat us say alag karne ki tag-o-dudh karna joo-e-sher laane say kum nahi...ab ye karnama bhi kar ke dekhenge...apni qismat azma kar hum bhi dekhenge....

Jub buraii ka wajud hai tou bhalaai us say bhi qawi-tar hoti hai....yehin Emaan ki pukhtagi ka sabut milta hai....Khuda bande ko ekhtiyaar dekar uska yon hi imtihaan leta hai...Aur apne hone ka saboot deta hai..vo na-fermaan takhlikh bhi meri thi jisey shaitaan kehte hain...aur uska wajud may aana mere fermanbardar makhlukh ki haqeeqat ko manzar-e-aam laana hai...

Sab shaitaan shaitaan kehte rahe...shaitaan ko pehchaana nahi...gar ek nazar apni belagaam kahishon ki taraf dekh lete unhen darperda unki lagaam thaame huye shaitaan nazar aate...inhi kahishon ne tou zulmatkade ki sair karaaii hai...warna ujaalon ki kumi nahi thi...vo ujaale jo sakun ke ameen they...jo mohabbaton ki dane they...unhi ojhal kardiya is andhi daud ne....nazar say her vo nazara chin liya jo wihdaniyet ka elaan tha..

Zindgi ek mauqa hai....khahishen dhoka hain...tou kyon na haqeeqat ko samajhne ki koshish ki jaaye..taake vo safeena haath lage jiske liye barson ki riyazat darkaar hoti hai....vo aapki ek saa-at ki soch say haasil hosakta hai...kuch pal apni zaat ki pehchaan ke, khuda ki hikmat ki pehchaan kara sakte hain...shaitaan ka asli roop dikha sakte hain...jisey sab ne hawwa bana rakha hai...aakhir vo hai kaun....Jo ye kehta phirta hai " arey deewano, mujhe pehchaano...mai hun kaun mai hun kaun " 

Mushkilon ko asaan karne ka naam hi mazhab hai....Deendaari ka matlab hi yehi hai asali raah ko pehchaanna...Ghaalib ka ye khayaal yehaan saadiq aata hai" jisko deen-o-dil hon azeez vo meri gali may aaye kyon" so humne khud ko nahi shaitaan ko mauqa dediya hamen pamaal karne ka....zindgi ne tou humen mauqa diya khud ko pehchaanne ka khuda ko raazi karne ka....hum ne apni fitrat bhuladi aur fitne ko jagah di...Aur us ek fitne ne zindgi ka her mauqa loot liya...jo humaare liye roz-e-azal say muntazar tha...

Uski rehmath say mayus hona kufar hai...jub ye khayaal aapke dil may ghar karle ke aap shaitaan ke narghe may ho tab khulus-e-dil say Rab ko pukaariye....khuda ko sadaq-e-dil say yaad kijiye....dekhiye phir uski kareemi ka jalwa....her vo dil aap per ayaan hojaayega jahaan andeshon ka andhera ho...Aur aap khud ko aur apni zindgi ko zarur ek aur mauqa dein......