Aah !

 

Aah! kya waqi..tum kahin nahi ho...ya phir mai bhi nahi hun..ye mujh may aur duniya may kaisa faasla hai...ye rubaru jo bhi hai mahaz ek khula hai...

Meri zindagi kal talak behel rahi thi isi kaifiyet ku lekar...ke khuda ne apne bande se shert yehi rakhi hai...Mai ne jo teri qismat likhi hai usey maan le apna maqsad..apne saare rang bhar de apni berang hasrathon may...apni manzil ka tayeen karle...

Jeena usi ka hai jeena jo dusre k liye jeena asan karde...apni saari ummidein uski khushiyon ke naam karde...mohabbat se bhi pehle sohabbat ka rang le le...sohabatein derd ki ameen hain...jahan chah ki koi haisiyet hi nahi hai...ye tou khudaii jazbon ki zameen hain...

Achanak jub ye bhedh mujh per khula tha...ke jis shaaney per mera sar dhara tha...vo shaana dhalak raha hai..mera sar apni manzil se sarak raha hai...ye ishaara tha qudrat ka ke khuda-e-wahed ko is jazbe may kisi ki shirkat nahi gawara...warna apna kahan hosakta tha guzara..

Ye safar bebasi ka mokhtasar hokar bhi taweel ter tha...ek ek lamha ummid ka agahi tha..ke hoga wahi jo taye hochuka hai...magar dil aur dua insan ka hausla hai...dua dil ki baagdor thi sanmbhale...dil sada se hi hai Rab ke hawaale...ek ek dhadkan se vo bakhabar hai...hamari soch uski hikmat ke aage separ hai...

Bas safar saath ka bas yehin tak...tu kahin aur hai aaj ,aur mai yehin tak..teri bebasi ,khamoshi se mujhe may uter gaii hai...tere karb ke saare lamhe mujh may teher gaye hain..tere zabt ke saare maraahel maano mujh per se guzar gaye hain...

Hosh ki koi khair-o-khabar nahi thi...tere paas ek alag hi mehefil saji thi...duniya ka dakhal jahan nahi tha..wahan mamla is jahaan ka nahi tha..ek rabta tere bande ka tujh se ban gaya tha..rishte hawason se ojhal hochuke they...paas maujud they pyaare magar jaan afreen raah-e-adem se jud chuki thi...

Khuda apne bande ku yehi samjhana chahta hai azal se...ye mitti ka qarz hai chukana padega...mitti ko mitti may akhir uter jaana padega...ye jism chund roza libaas ki hai kahani..boseeda hokar hojaata hai faani...ye aghaz hai us safar ka, jiska waada kiya hai khuda ne...rooh moqadas safar baala ki perwaz per gamazan ho...apne khalikh-e-asal ke darya-e-rahmat may maujzan ho...